ለልጆችህ በራስ የመተማመን ስነ-ልቦና ለመገንባት

ለልጆችህ በራስ የመተማመን  ስነ-ልቦና ለመገንባት

@ ልጅህን በሠዎች ፊት አሞግሠው ፡፡

@ ልጅህ ጥሩ ነገር ሲሰራልህ ፣ ያዘዝከውን ሲፈጽም አመስግናለሁ በለው ፡፡

@ አንድ ነገር አንዲፈጸም ስትፈልግ ቀጥተኛ ትዕዛዝ አታድርግበት ከተመቸህ ይህን እቃ ታቀብለኝ እቃዎችህን በስርዓት ብታስቀምጣቸው ጥሩ ነው ይህን የመሠሉ አገላለጽ ተጠቀም፡፡

@ ልጅህ ልጅነቱን እንዲያጣጥም እድል ስጠው ልጅነቱን እንዲኖር ፍቀድለት፡፡

@ በራሱ ምርጫውን እንዲወስንና አቋም የመያዝ ክህሎቱን እንዲያዳብር ድጋፍ አድርግለት ፡፡

@ ትላልቅ ጥሪዎች ሲኖሩህ ቁም ነገር ያላቸው ከፍተኛ ቦታዎች ስትሄድ በቻልከው አቅም አብሮህ እንዲሆን አድርገው ከሁሉም በላይ ልጅህን ይዘህ ልትሄድ የሚገባው ትልቅና ቁም ነገር ያለው ቦታ መስጅድ ነው።

@ ሐሳብህን አካፍለው ፤ የርሱንም ሐሳብ ጠይቀው ሀሳቡ ከዲን የወጣ እስካልሆነ ድረስ ተቀበለው፡፡

@ በቤት ውስጥ ዐቅም በፈቀደ መጠን የራሱ ክፍል ፣የራሱ ቦታ እንዲኖረው አድርግ ፡፡

@ ጥሩ ጓደኞች እንዲያፈራ ድጋፍ አድረግለት በጓደኞቹ ፊት አትውቀሰው ክብር ስጠው፡፡

@ አላህ ብዙ ችሎታዎችን እንደለገሰው ንገረው ተፈላጊ እና ቦታ የሚሠጠው እንደሆነ እንዲሠማው አደርገው ፡፡

@ ሶላትን አስተምረው አብሮህ እንዲሠግድ አድረግ፡፡

@ በዋነኝነት አላህን እንዲወድ አድርገው ኢማን በልቡ ውስጥ ለማስገባት ጥረት አድርግ ፡፡

@ በአላህ ላይ መመካትን አስተምረው በራስ የመተማመን ስሜቱ በአላህ ላይ ከሚኖረው መደገፍ የመነጨ መሆን እንደሚገባው አስረዳው።

@ ሐሳቡን እንዴት መግለጽ እንደሚችል አስተምረው ሐሳቡን ያለፍርሃት መግለጽ እንዲችል አደፋፍረው ስርዓትን አስተምረው

@ በሠዎች ፊት አትናገር አትበለው ሀሳቡን በማቋረጥ አታሸማቀው።

@ ራሱን ማክበርና ሰዎችን ማክበር እንዴት እንደሚችል አስተምረው ፡፡

@ ጥያቄዎቹን መልስለት፣ ልጅነው ብለህ ቸል አትበለው ፡፡

@ የገባህበትን ቃል አክብር ቃልህን ማክበር የማትችልበት ሁኔታ ከተፈጠረ ቀደም ብልህ አስረዳው ይቅርታም ጠይቀው፡፡

@ ቢያንስ ብቻውን ቢሆን ለራሱ ምግብ ማቅረብ የሚችልበትን ያህል ማብሰል አስተምረው ፡፡

@ ዘወትር ዱዓ ማድረግ እንደሚኖርበት አስተምረው። ሲጨንቀው ወደ አላህ መሸሽ እንዳለበት አስረዳው፡

@ ከሌሎች ልጆችና ከወንድሞቹ/ ከአህቶች ጋር በጋራ መስራትን አስለምደው በቡድን ውስጥ እንዴት ኃላፊነቱን እንደሚወጣ አሳየው፡፡

@ የተለያዩ ምክንያቶች በመደርደር ከሠዎች አታርቀው። ሰዎችን መቅረብ የሚወድ አድርገው ፡፡

@ ጥያቄ እንዲጠይቅ አበረታታው የሚሠነዝራቸውን ጥያቄዎችን «ምን አይነት ጥያቄ ነው» የሚል መልስ በመስጠት አታሸማቀው ከተሳሳተ ስህተቱን አስረዳው ፡፡

@ እርሱን በተመለከተ በምትወስዳቸው ውሳኔዎች ላይ አማክረው፤ ሐሳቦችንና ፍላጎቶቹን አዳምጥ። እርሱ ምን ያውቃል ልጅ ነው ብልህ ፍላጎትህን ብቻ ልትጭንበት አትሞከር።

@ ስለራስህ አጫውተው። በአባቱና በእናቱ ደስተኛ ልጅ እንዲሆን አደርግ።

@ እሺ ማለት ብቻ ሳይሆን የማይስማማውና የማይወደው ነገር ሲኖር እንዴት  እምቢ አይሆንም እንደሚል አስተምረው ፡፡

@ ሲወድቅ ራሱን ችሎ እንዴት መነሳት እንዳለበት አስተምረው፡፡

@ የራሱን ክፍል፣ የራሱን ልብሶች፣ እንዲሁም የራሱን የትምህርት መገልገያዎች ራሱ እንዲያስተካክልና በስርዓት እንዲይዝ አስተምረው ፡፡

@ ስለ ዓላማው ፣ ስለ ህልሙ፣ ስለምኞቱ አዋራው። ሐሳብህን አካፍለው።

@ ኃላፊነቶችን እንዲወስድ አድርግ፡፡

@ ስራዎችን ሲያጠናቀቅ አወድሰው። የማበረታቻ ሽልማቶች ስጠው፡፡

@ ጥፋት ስትፈጽምበት ይቅርታ ጠይቀው፡፡

@ ልዩና አስደሳች ስጦታዎችን ባልጠበቀው ሠዓትና ቦታ ስጠው።

@ ከቁርዓን ጋር ያለው ግንኙነት የጠበቀ እንዲሆን አድርግ ፡፡

@ ስለሶሀቦች የህይወት ታሪክ መፅሀፎችን አንብብለት ፤ ምን ያህል መንፈሰ ጠንካራ መልካም ሰዎች እንደነበሩ አስተምረው፡፡

@ መፅሀፍቶችን እንዲያነብ አበረታታው። በንባብ በሚያገኘውን ዕውቀት በራስ የመተማመን ስነ ልቦናውን እንዲዳብርለት አድርግ ።

@ ዘወትር ዱዓ አድርግለት። አላህን መልካሙን መንገድ እንዲያመላክተው ከክፋት ሁሉ እንዲጠብቀው በወላጅ ልብ ተማፀንለት። ሁሉም መሆን የሚችለው በአላህ ሀይልና ፍቃድ ብቻ ነው።